قصيدة للشاعر بندر الرشود وهو يرثي امة

والله لولا الخوف من ربي وكرهي للذنوب
************** بالحرام ان التراب ابعد عليـك من النجـوم

يا الهـي تطمئــن بذكــرك أرواح وقلـــوب
************** لا إلـه إلا أنـت نسجـد لــك ولا غـيرك يـدوم

وجهك الباقي وعبدك ينتظر منك المكتوب
************** مالــه الا ماكتبـت ومايطــول إلا المقســوم

يالعظيم اللي في علمك جنة ونار وغيوب
************** تنجي أمـي من عـذاب النـار والقبر المكتوم

يمه الله اللي يعلم يوم أودعك مغصوب
************** يوم أحطك في القبر مدري أقوم أو ما أقوم

ماهقيت أمشي ولاخطوة ولا ألحق غروب
************** من عرفـت إن الفـراق اليوم صـار محسـوم

صارت الدنيا تدور ولا عرفت الدرب نوب
************** مثل الأعمى صرت يمه ماعلي شرهه ولوم

الوكاد أني غديت بصوب والدنيا في صوب
************** والحياة الله يجيرك صارت أقسى من اللزوم

كل ما أذكرك يمه ينحرق شمـع ويـذوب
************** يختنق صدر المفــارق كل ماصـار امحــروم

أذكرك وأنتي هنا وهناك ياصعب الغروب
************** وين ما أناظــر أشوفـك في عيــوني كل يـوم

أتخيــل طلتــك ومشيتـــك في هالــدروب
************** حتى صوتك أسمعـه نفس السوالف يارحوم

صار بيتي في عيوني موحش وكله عيوب
************** من رحلتي لا خبـر لا علـم ولا عيـنٍ تنــوم

مابقى للبيت نور ومابـقى للجــرح ثــوب
************** ولا بقــى إلا ذكـريــات بينــي وبينــك تــــدوم

يمــــه الله لا يعاقــبنــي ولكنــي أتــوب
**************ليت ربي ما خلــق فرقــى ولا مـوت وهمـوم

أدري الجنة تحت رجليك ولله الوجوب
************** أسئــل الله الرضــا والفــوز يالحــي القيـــوم